爭取全民退休保障展

爭取全民退休保障展
 

一世人幾十年,做嘢做左大半世,究竟係為左乜呢?睇電視廣告都有得你睇(好耐以前):"條東區走廊我有份起㗎!! "。 起完又點呢?大部分香港人,正正常常唔多唔少,係年青工作嘅時候,都為香港出咗一分力。六十五歲退休之後,而家喺香港生活呢一班為香港付出過嘅老人家得到公平嘅對待,同應有嘅尊重呢?
再講人人都會老,你同我今日可能唔係老人家,但係喺不久嘅將來我哋都會頭髮變白,從自己嘅工作崗位退落嚟。

所以全民退休保障唔係淨係關於退休人士,而係一個社會健全發展嘅保障計劃。

香港故事館係六月十三號至八月三十一號,搞個有關全民退休保障計劃嘅展覽,大家唔理有冇興趣都要嚟睇一睇呀!